३० चैत, काठमाडौं । नयाँ वर्षमा परिवार तथा साथीभाइसँग घुम्न कहाँ जाने ? यदि तपाई दोधारमा हुनहुन्छ भने हामी केही उपयुक्त गन्तव्यका बारेमा जानकारी गराउँछौं ।
नेपालमा घुमफिर गरेर रमाइलो गर्नका लागि प्रशस्त ठाउँहरु रहेका छन् । हामी गन्तव्यहरु रोजेर घुमफिरमा जान सक्छौं । पछिल्लो समय नेपालीहरु विदामा घुम्न जान थालेपछि धेरै गन्तव्यहरु तयार भएका छन् ।
राम्रो आम्दानी हुनेहरु विदेश घुम्न जान्छन् । सानो बजेटमा घुमफिर गर्न चाहानेहरुको रोजाइ चाँहि नेपालकै विभिन्न ठाउँहरु हुने गरेका छन् ।
पोखरा
Pokhara Lakeside
पर्यटकीय नगरी पोखरा घुमफिरका लागि सबैभन्दा आकर्षक गन्तव्य हो । विदाको समयमा पोखरा भ्रमणमा जाने नेपालीहरु प्रशस्त हुने गर्छन् । नयाँ वर्ष, दसैं तथा अन्य विदाको समयमा यहाँका होटलहरु भरिभराउ हुने गरेको व्यवसायीहरु बताउँछन् ।
पोखराको पहिलो आकर्षण भनेको फेवाताल हो । जहाँ डुङ्गामा शयर गर्दै सुन्दर प्राकृतिक दृश्यावलोकन गर्न पाइन्छ । माछापुच्छ्रे हिमाल पनि यहीँबाट देखिन्छ । पोखराको जुनसुुकै ठाउँबाट उत्तरतर्फ सेता हिमालहरु देख्न सकिन्छ ।
पोखरामा घुमफिरका लागि डेभिड फल्स, गुप्तेश्वर गुफा, महेन्द्र गुफा, चमेरी गुफा, बेगनाश ताललगायतका मनमोहक ठाउँहरु रहेका छन् । सराङकोट यहाँको अर्को आकर्षण हो । सराङकोटबाट पोखरा सहर, फेवाताल, सेता हिमाल लगायतको दृश्यावलोकन गर्न पाइन्छ ।
पछिल्लो समय पोखरा साहसिक खेलको गन्तव्यका रुपमा विकास भएको छ । सराङकोटबाट प्याराग्लाइडिङ र जिप फलायर गर्नुको मज्जा बेग्लै रहेको छ । त्यस्तै, अल्ट्रालाइट उडान पनि पोखरामा गर्न पाइन्छ । पछिल्लो समय पोखरामा बञ्जी समेत सञ्चालनमा आएको छ ।
सौराहा
Sauraha-elephant
नेपालको तेस्रो पर्यटकीय गन्तव्य हो, सौराहा । चितवन राष्ट्रिय निकुञ्जसँग जोडिएको सौराहा वाइल्ड लाइफ पर्यटनमा विश्वमै चर्चित रहेको छ । यहा वर्षेनी लाखौं स्वदेशी विदेशी पर्यटकहरु पुग्ने गर्छन् ।
यहाँको प्रमुख आकर्षण भनेको हात्तीमा जंगल सफारी गर्नु हो । हात्ती तथा जीप सफारी गर्दै बाघ, गैंडा, घडियाल अवलोकन गर्न पाइन्छ । राप्ती नदीमा बोटिङ गर्दा गोही, गैंडा लगायतका जनावर देखिन्छन् । यसको अलवा यहाँ थारु कल्चर समेत अवलोकन गर्न सकिन्छ ।
नारायणगढबाट नजिकै रहेको सौराहामा अहिले हात्ती महोत्सव भइरहेको छ । यहाँ भ्रमणमा जाँदा महोत्सवको आनन्द लिन सकिने छ । सौरहामा करिव ५ हजार रुपैयाँमा २ रात तीन दिन सौराहा घुम्न पाइने छ ।
नयाँ वर्षमा भ्रमणका लागि सौराहा उत्तम गन्तव्य हुनसक्छ । यहाँ सामान्य होटलदेखि स्तरीय होटलसम्म सञ्चालनमा रहेका छन् ।
लुम्बिनी
Lumbini
गौतम बुद्धको जन्मस्थान लुम्बिनी अर्को आकर्षक गन्तव्य हो । घुमफिर गर्नका लागि लुम्विनी उत्तम गन्तव्य हुनसक्छ । भैरहवाबाट नजिकै रहेको लुम्बिनी विश्वभर चर्चित रहेको छ ।
पछिल्लो समय विदेशीमात्र होइन नेपालीहरुको लुम्बिनीमा बाक्लो उपस्थिती देखिन थालेको छ । यहाँको प्रमुख आकर्षण भनेको मायाँदेवी मन्दिर हो । अत्यन्तै सुन्दर रहेको लुम्बिनीमा विभिन्न देशका कलात्मक गुम्बाहरु रहेका छन् । सबैभन्दा राम्रो गुम्बा बनाउन विभिन्न देशहरुबीच प्रतिस्पर्धा भएको आभाष मिल्छ ।
दामन
Daman Sunset view
मकवानपुरको दामन पनि पछिल्लो समय पर्यटकीय गन्तव्यका रुपमा विकास भएको छ । राजधानीबाट नजिक रहेको दामनमा राम्रा राम्रा होटल तथा रिसोर्ट समेत खुलेका छन् ।
कुलेखानी हुँदै पुगिने दामन प्राकृतिक दृश्यावलोकनका लागि परिचित रहेको छ । अग्लो स्थानमा रहेको दामनबाट सुन्दर हिमाल, बनजंगल, स्थानिय संस्कृतिको अवलोकन गर्न पाइन्छ ।
नगरकोट
nagarkot
काठमाडौंबाट नजिकै रहेको नगरकोट प्रमुख पर्यटकीय गन्तव्य हो । नगरकोटबाट राम्रा राम्रा दृश्यावलोकन गर्न पाइन्छ । यहाँ परिवारसँग गएर समय बिताउन मज्जा हुन्छ । बस्नका लागि सस्तादेखि महंगा सबैखाले होटलहरु यहाँ रहेका छन् ।
नगरकोटबाट काठमाडौं उपत्यकाको सुन्दर दृश्यावलोकन गर्न पाइन्छ । नगरकोटको डाँडोमा रहेको भ्यू टावरबाट नजिकै हिमालहरु मुस्कुराएको देख्न पाइन्छ । सुर्योदय र सुर्यास्त हेर्नका लागि पनि नगरकोट प्रख्यात रहेको छ ।
धुलिखेल
Dhulikhel Namobuddha
बन्दीपुर
Bandipur ma Tourist
नेपालको स्वीट्जरल्याण्ड भनेर चिनिन्छ दोलखाको जिरी । अग्लो उचाईमा रहेको जिरीमा विदा मनाउन काठमाडौंदेखि ठूलो संख्यामा युवा युवती तथा परिवारहरु पुग्ने गर्छन ।
काठमाडौंबाट काभ्रे, सिन्धुपाल्चोक, दोलखाको सदरमुकाम चरिकोट हुँदै जिरी पुग्न सकिन्छ । यहाँ गाडीबाट जान सकिन्छ । साथै, आफ्नो निजी सवारी पनि यहाँ पुराउन सकिन्छ ।
इलाम
Ilam-Kanyam-tea-bagan
पुर्वी पहाडी जिल्लाा इलामको चियाबारी हेर्न सँधै आन्त्रिक पर्यटकहरुको भीड लाग्ने गर्छ । चियामा मात्रै होइन, इलाम कृषि पर्यटको पनि आकर्षक गन्तव्य बन्दै आएको छ ।
इलाममा टी-टुरिजमको विकास गर्नुपर्छ भनेर लागेका अभियान्ता युवराज गौतम भन्छन्- ‘एकपटक इलाम गएको मान्छेले त्यो ठाउँलाई कहिल्यै भुल्दैन ।’
तीनजुरे-मिल्के-जलजले
gurash-tinjure-ton
पूर्वी पहाडी जिल्ला तेह्रथुम, संखुवासभा र ताप्लेजुङको संगम स्थानमा रहेको तीनजुरे-मिल्के-जलजले लाली गुराँसको राजधानी नै मानिन्छ । पछिल्ला वर्षहरुमा यहाँ पर्यटकहरुको भीड लाग्ने गरेको छ । ढकमक्क फुलेको गुराँस हेर्न आन्तरिक मात्रै होइन, विदेशी पर्यटकहरु पनि यहाँ जाने गर्छन् ।
तीनजुरे-मिल्के-जलजलेमा मात्रै २९ प्रजातिका गुराँसहरु फुल्ने गरेको राष्ट्रिय लालीगुराँस संरक्षण समितिले जनाएको छ । यस क्षेत्रमा पर्ने मेन्छ्यायम डाँडाबाट दूरबिनको सहायताले अासपासका ६ जिल्लका सदरमुकाम, सप्तकोशी नदी, धरान, दमक, बिराटनगरलगायतका शहरहरू देख्न सिकन्छ ।
घलेगाउँ
Ghale-Gaun
मुक्तिनाथ
D6.79 Muktinath Temple_
अन्य गन्तव्यको तुलनामा अलि टाढा र महंगो गन्तव्य भएपनि हिमाली जिल्ला मुस्ताङमा रहेको मुक्तिनाथ भ्रमणका लागि उत्कृष्ट रहेको छ । यहाँ काठमाडौंबाट पोखरा हुँदै जहाज र गाडीमा पुग्न सकिन्छ । यहाँ भ्रमणका लागि अलि लामो समय मिलाउनुपर्छ ।
मुक्तिनाथ मन्दिर विश्वभर चर्चित रहेको छ । वर्षेनी लाखौं हिन्दू र बौद्धधर्मालम्बीहरु यहाँ पुग्ने गर्छन । यहाँको प्राकृतिक दृश्यहरुले आकषिर्त नहुने सायदै कम होलान । तेस्रो विश्वका रुपमा हेरिने सुन्दर भ्याली लोमान्थाङ पनि मुस्ताङमै पर्छ ।
जनकपुर
Janakpur-Janaki-temple
धनुषा जिल्लामा रहेको रामजानकी मन्दिर नेपालको प्रमुख धार्मीक गन्तव्यका रुपमा मानिन्छ । यहाँ नेपाली तथा भारतीय पर्यटकको ठूलो उपस्थिती हुने गरेको छ । पछिल्लो समय स्तरीय होटलहरु खुलिरहेको जनकपुरमा दसैं विदा मनाउनका लागि उत्तम गन्तव्य हुन सक्छ ।
बर्दिया
suklaphata-ka-barasinga-1
बर्दिया वाइल्डलाइफ पर्यटनका लागि चर्चित रहेको छ । पछिल्लो समय वर्दिया राष्टिय निकुञ्जको भ्रमणका लागि थुप्रै स्वदेशी विदेशी पर्यटक पुग्ने गरेका छन् । यहाँ विश्वमै लोप हुन लागेको पाटे बाघ पाइन्छ । विदामा घुम्न जानका लागि वर्दिया उत्कष्ट गन्तव्य हुनसक्छ ।
0 comments
Write Down Your Responses