महिलाको यौवन : पुरुषको पाहुनाघर

शिल्पी नाटकघरमा बैशाख १२ गतेबाट सुरु भएको इटालेली नाटककार कार्लो गोल्डेनीको प्रसिद्ध नाटक ‘द मिस्ट्रेस अफ द इन’को नेपाली रुपान्तरण ‘पाहुनाघरकी साहुनी’को मञ्चन बैशाख ३० बाट सकिएको छ । जेठ ७ गतेदेखि गुरुप्रसाद मैनाली र सादत हसन मन्टोका कथाहरुको नाट्यप्रस्तुति कथादेश–३ मञ्चन हुँदैछ । जसको निर्देशन आशान्त शर्माले गर्दैछन् । 

‘पाहुनाघरकी साहुनी’ ले १८ औं शताब्दीको इटालेली समाजमा महिलालाई हेर्ने दृष्टिकोण प्रस्तुत गरेको छ । तर अहिले पनि समाजमा त्यसको प्रकृति फेरिए पनि सम्पूर्ण दृष्टिकोण फेरिएको छैन । त्यसैले नाटकमार्फत नेपाली समाजमा यसले फेरि महिलालाई हेर्ने सामाजिक राजनीतिक दृष्टिकोणमाथि बहस गर्यो । नाटक नेचुरल्ली दीपकले अनुवाद गरेका हुन् भने निर्देशन जीवन बरालले । मञ्चमा इनेशा भट्टराई, पवित्रा खड्का, सोनाम लामा, मातृका घिमिरे, नमराज केसी, सविन कट्टेल, सुदिप कार्की र संगीता उरावले अभिनय क्षमता देखाएका थिए ।

 इनेसा र पवित्रा तथा सविन र सुदिपले आलो¬पालो अभिनय गरेको नाटकमा किरण मानन्धरको पेन्टिङ पनि प्रयोग गरिएको थियो । नाटक हेर्नुभएका र हेर्न छुट्नुभएका दर्शकका लागि फोटो पत्रकार बिजु महर्जनले तयार पारेको नाटकको ‘तस्बिर प्याकेज’ यहाँ प्रस्तुत गरिएको छःनाटक (2) नाटक (3) नाटक (4) नाटक

Labels: Entertainment